У Брэсце загінуў вайсковец сіл спецыяльных аперацый
Прычыну здарэння высвятляе камісія Мінабароны і Беларускай вайсковай пракуратуры.
Як паведамляе прэс-служба Мінабароны, падчас правядзення планавых заняткаў па баявой падрыхтоўцы ў выніку неасцярожнага абыходжання са зброяй вайсковец атрымаў раненне, несумяшчальнае з жыццём.
БелаПАН удакладняе, што салдат — ураджэнец вёскі Уборак Лоеўскага раёна Гомельшчыны. Цяпер яго бацькі чакаюць дастаўкі цела сына на радзіму для пахавання.
Фота — novostey.com
