У Брэсце з'явіцца помнік Менахему Бегіну
Прэм'ер-міністр Ізраіля (з 1977-га па 1983 год), Нобелеўскі лаўрэат Менахем Бегін нарадзіўся акурат у Брэсце.
Пытанне помніка абмеркавалі 9 студзеня на сустрэчы старшыня Брэсцкага аблвыканкаму Канстанцін Сумар і стратэгічны дарадца прэзідэнта Ізраіля Ёрам Доры, перадае БЕЛТА.
Помнік мае з'явіцца да юбілейнай даты — 100-годдзя з дня нараджэння Бегіна. Яно будзе адзначацца сёлета ў жніўні. Праект будзе цалкам прафінансаваны за кошт ізраільскага боку. Выраб скульптурнай кампазіцыі ізраільцяне маюць намер даручыць брэсцкім аўтарам.
Фота — newspaper.unitedcommunityvoice.com