У Беластоку выбухнуў беларускі аўтамабіль (фота, відэа)
6 ліпеня каля 17.30 на стаянцы каля аўтавакзалу ў Беластоку пачуўся моцны грукат.
Некаторыя людзі нават падумалі, што гэта тэрарыстычны акт, піша Kurier Porannny. Аднак як высветлілася, у аўтамабілі Volkswagen Passat на беларускіх нумарах, хутчэй за ўсё ўзарваўся вогнетушыцель.
Выбух быў настолькі моцны, што аўтамабіль разарвала літаральна на часткі, а ў самой аўтастанцыі павыбівала некаторыя шыбы. Аскепкі ад аўтамабіля разляцеліся на некалькі метраў, а некаторыя нават заляцелі на тэрыторыю аўтастанцыі.
