У Беларусь з 1 чэрвеня вяртаюць тэлеканал "Еўраньюс"
Ён адновіць вяшчанне ў кабельных сетках УП "Мінскія тэлевізійныя інфармацыйныя сеткі" (МТІС).
Нагадаем, што вяшчанне канала ў нашай краіне спынілася з 1 студзеня.
НА МТІС кажуць, што пры ранейшым кіраўніцтве шэраг дамоваў быў складзены праз афшорных пасярэднікаў, інфармуе БЕЛТА. Новае кіраўніцтва прадпрыемства выйшла непасрэдна на стваральнікаў тэлеканалу. Дзякуючы гэтаму, кажа нядаўна прызначаны дырэктар МТІС Міхаіл Мілаванаў, кошт на вяшчанне "Еўраньюс" знізіўся больш як у 12 разоў.
