Да 14-й гадзіны быў абвешчаны перапынак.

12.01. Працягваецца допыт Варламава. Пракурор спрабуе высветліць, ці былі грошы, якія Варламаў даваў супрацоўнікам, пазыкай ці "заробкам у канверце". Саша Варламаў звярнуўся да адваката, сказаў, што не разумее, што такое "пазыка". Заробку ў канвертах таксама не выдаваў, лічыў гэта дапамогай. Таксама Варламаў адзначыў, што ноч не спаў з-за праблем са здароўем.

Варламаў — у акулярах. Калі ён стаіць, то абапіраецца на мыліцу, а таксама аб сцяну і клетку.

10.50. Пракурор зачытвае паказанні Варламава, якія той даваў падчас следзтва. Там шмат нестыковак з тым, што кажа Варламаў цяпер. Ён тлумачыць гэта тым, што тады быў у шоку і не мог многага згадаць. Напрыклад, што плаціў за візы ўдзельнікаў. А потым, калі пабачыў дакументы, згадаў пра гэта.

Варламаў: "Я быў у шоку, калі мяне затрымалі і часта адказваў на допытах, што не памятаю. Я казаў, што не плаціў за візы, а потым згадаў, што я плаціў".

10.15. Дапытваюць Варламава. Ён распавядае пра страхоўкі, што ён за свае грошы плаціў за іх. Пракурор кажа, што ў справе ёсць дакументы БДУ, па якіх аплачаны страхоўкі безнаяўнымі. І, маўляў, БДУ несла страты два разы.

Людзей сёння ў зале мала. Акрамя дваіх журналістаў прысутнічаюць яшчэ 4 чалавекі.

***

Папярэдняе паседжанне прайшло 7 лютага. На ім дапытвалі Варламава і сведкаў.

Нагадаем, вядомага мадэльера вінавацяць у махлярстве ў асабліва буйным памеры, прыўлашчванні маёмасці, ухіленні ад уплаты падаткаў, злоўжыванні службовымі паўнамоцтвамі, крадзяжы ў буйным памеры.

Саша Варламаў знаходзіцца за кратамі з 20 траўня 2011 года. Ён займаў пасаду дырэктара прадпрыемства "Агенцтва моды Сашы Варламава", кіраўніка Цэнтра моладзевай моды БДУ ды інш.

"Пацярпелая" ад Варламава: Я з задавальненнем з’ездзіла з ім у паездку