Тэрарысты ў Бостане схавалі адну з бомбаў у каструлі
А яе паклалі ў пластыкавы пакет. Пра гэта паведамляюць крыніцы, блізкія да следства.
У каструлі ляжалі цвікі і розныя дробныя металічныя прадметы, якія павялічвалі паражаючую сілу выбуховага прыстасавання. Каля бомбы знайшлі драты, што дазваляе сказаць пра наяўнасць у ёй таймера.
Нагадаем, два выбухі з інтэрвалам у 12 секундаў прагучалі ў амерыканскім горадзе падчас правядзення міжнароднага марафона. Тры чалавекі загінулі, 176 атрымалі раненні, 17 з іх — у цяжкім стане.
Адказнасць за тэракт пакуль ніхто не ўзяў.
МЗС: грамадзяне Беларусі ад выбухаў у Бостане не пацярпелі
Фота — David L. Ryan/The Boston Globe