8170 BYR
10370 BYR
264 BYR
Яго сябры збіраліся сабрацца ў бліжэйшыя выхадныя на адной з базаў адпачынку пад Мінскам.
Студэнты-платнікі адлічаюцца з ВНУ, бо не хапае грошай
А выкладчыкам напалову паднялі заробак: прафесар атрымоўвае 4,5 мільёны.
Аўтар: Арцём Мартыновіч 07.02.2012 16:48
Кепскія навіны для студэнтаў: з 1 лютага навучанне ў беларускіх ВНУ падаражэла на траціну. На Міжнародных адносінах у БДУ цяпер трэба будзе плаціць 12 мільёнаў за год. Раней было 9 мільёнаў.
Некаторыя студэнты-платнікі пачалі забіраць дакументы: не могуць пацягнуць такія кошты.
“Я вучылася ў БДУ на філасофскім факультэце. Мяне ўзялі па даборы, бо не хапала балаў. Але мяне ўсё ж узялі. Але цяпер буду сыходзіць, бо ўжо не стае грошай плаціць: за тры месяцы між сесіямі аплату падымалі двойчы”, – распавядае Еўрарадыё студэнтка 1-га курса Эрыс Сяргеева, якая будзе забіраць дакументы з БДУ.
Дзяўчына вучылася на завочным і працавала, каб аплаціць сабе навучанне. А цяпер на вучобу ёй ўжо не хапае. Працуе мерчэндайзерам. Плацяць 1 мільён 700 тысяч рублёў. Вучоба ж да падаражання каштавала 3 мільёны за год. Цяпер кошты ўзляцяць яшчэ на траціну.
Эрыс Сяргеева: “Калі паступала, мне дапамаглі бацькі. А цяпер мне трэба аддаць заробак, каб заплаціць за вучобу. Тым больш, я нядаўна ўладкавалася і заробак дадуць не цалкам”.
У гэтым годзе дзяўчына таксама збіраецца паступаць, але калі назбірае грошай.
У Аграрна-тэхнічным універсітэце адукацыя падаражэе на траціну. Лічбы па факультэтах пакуль няма. А студэнты, калі і будуць адлічвацца – то пазней, упэўніваюць у рэктараце.
Супрацоўнік БДАТУ: “Аплата толькі з 1 лютага павышаецца. Таму студэнты думаць будуць. Пасля мінулага павышэння два чалавекі на завочнае перайшлі. Адзін – сірата, другі – па сямейных абставінах”.
У альма-матэр кіраўніка краіны – Магілёўскім універсітэце імя Куляшова – вучоба падаражэла на 29%. Для ўсіх факультэтаў: 7 мільёнаў. Раней было: 5,2 мільёны. Студэнты пакуль не адлічваюцца. Але… кожны год ёсць тыя, хто забірае дакументы з-за высокай аплаты.
“Такіх выпадкаў мала. Здараецца, людзі не рэалістычна ацэньваюць свае магчымасці. Кожны год – некалькі чалавек сыходзяць”, – гавораць у МДУ імя Куляшова.
БНТУ падыме кошты на 29%. Раней самыя прэстыжныя факультэты каштавалі больш за 7 мільёнаў. Цяпер, калі павялічыцца на 29%, будзе больш за 9 мільёнаў. Падняліся і заробкі ў выкладчыкаў.
“Сярэдняя зарплата за мінулы год у выкладчыкаў была 2,8 мільёны. Зараз у межах 3,2 мільёнаў”, – агучваюць заробкі выкладчыкаў у БНТУ.
Віцебскі дзяржаўны універсітэт імя Машэрава плаціць сваім прафесарам больш – 4,5 мільёны. Павышэнне заробку тут звязваюць з ростам платы за навучанне. Самы дарагі факультэт, юрыдычны, цяпер будзе каштаваць каля 8 мільёнаў. З-за высокай аплаты ў ВДУ на завочку штогод сыходзяць каля 10 студэнтаў.
Супрацоўнік ВДУ: “Бывае такое. Цягам году… Іх не так шмат, каля 10 чалавек за год просяць перавесціся на завочнае”.
Нагадаем, за год вышэйшая адукацыя даражэла тры разы. Апошні раз кошты на адукацыю ў беларускіх ВНУ раслі ў лістападзе — у сярэднім на 20–25%. Да гэтага іх уздымалі ў жніўні, а таксама падчас зімовай сесіі ў 2011. Такім чынам, за год навучанне падаражэла больш чым на 70%.
Якой мусіць быць адукацыя ў Беларусі: платнай ці бясплатнай? Пра гэта Еўрарадыё запыталася ў мінакоў. Прапануем варыянты адказаў:
Фота: fairmoegensbildung.de
Па гэтай тэме таксама чытаюць:
- аудио
- текст
БОЛЬШ ПА ГЭТАЙ ТЭМЕ
- Замест беларускамоўнай акцыі студэнтам раяць "Говорить по-русски грамотно"
- Беларусь уваходзіць у Еўрасаюз, а ў суседніх краінах няма прэзідэнтаў
- Мінадукацыі не хоча бясплатнага праезду для студэнтаў
- Беларусам прапануюць бясплатнае навучанне ў расійскіх ВНУ
- Жаночы інстытут "Энвіла" ліквідуецца з ініцыятывы ўладальнікаў
- Замест “Белорусы и рынок” размеркавалі ў “Советскую Белоруссию”
- Бясплатны праезд мінскім студэнтам адменяць з 1 ліпеня
Каментары
"Сярэдняя зарплата у выкладчыкаў 2,8 мільёны. Зараз у межах 3,2 мільёнаў”, " - гэта вельмі мала, улічваючы адказнасць працы... Нават пенсія ўжо 1,1 млн - 1млн. 300, але ж пенсіянеры нічога не ствараюць...Таму дзіцей трэба яшчэ да школы пачынаць рыхтаваць да вучобы і грашовых выпрабаванняў : развівашце іх здольнасці, мысленне, памяць. Дзіцячыя садкі ды выхавацелькі , якім бацькі аддаюць дзяцей для прыгляду, не выканаюць за бацькоў усю гэтую справу. Гуманітарныя навукі бесперспектыўны з пункту гледжання працаўладкавання , хаця вучыцца на гум. факультэтах вельмі цікава і карысна...Але ніхто не шкодзіць потым прачытаць асноўныя філасоф, і гістарычныя кнігі і сёе-тое зразумець Збірайце грошы для дзяцей; не бойцеся, што станеце студэнтамі не ў 18, а ў 25--28 гадоў.
Што думаеш? Выкажы сваё меркаванне