Снег, вывезены з гродзенскага стадыёна, вернуць назад
Гродзенскі стадыён "Нёман" другі дзень прыбіраюць ад снегу. 14 лютага тут пройдзе матч Лігі Еўропы.
Нагадаем, што сустракаюцца футбалісты барысаўскага БАТЭ і турэцкага "Фенербахчэ".
Як піша "Вечерний Гродно", снег з гродзенскага стадыёна вывозяць у Каложскі парк. Пасля футбольнага матча яго павязуць назад на стадыён.
Па словах гендырэктара "Спецаўтагаспадаркі" Аляксандра Жаркова, снег вывезлі ў парк, бо ў ім ёсць дамешак дарагой крошкі, якой пасыпаюць футбольнае поле. Таму на палігон яго адпраўляць нельга. Каложскі парк для разгрузкі абралі невыпадкова: там ёсць цвёрдае пакрыццё. Мясцовых жыхароў спецыялісты супакойваюць: небяспечных дамешкаў у снезе няма.
Фота — vgr.by