Следам за вадой увядуць абмежаванне на святло
1 студзеня 2012 года беларусаў чакае не дужа прыемны навагодні сюрпрыз. З гэтага дня ўрад прапанаваў увесці нарматывы на спажыванне электрычнасці.
Плануецца, што нарматыў на 1 чалавека складзе 107 кВт у месяц. Пра гэта ў інтэрв'ю газеце "Рэспублiка" паведаміў віцэ-прэм'ер Анатоль Калінін. Для тых, у каго электрычная пліта, нарматыў будзе павялічаны. Але на колькі — пакуль не вядома.
Чыноўнік, аднак, не паведамляе, ці будзе нарматыў на святло распаўсюджвацца толькі на прапісаных грамадзян. Магчыма, арандатары кватэр будуць плаціць дзяржаве па павышаных коштах за права жыць не па месцы прапіскі. Нагадаем, што з такім непрыемным сюрпрызам людзі ўжо сутыкнуліся пры ўвядзенні нарматываў на ваду.
