Шпілеўскі выказаўся, ці змогуць беларусы выязджаць за мяжу часцей
Мытны камітэт не будзе выступаць з прапановай да Саўміна, каб той дазволіў выязджаць за мяжу раз на 5 дзён, як гэта было раней.
Не лічаць мытнікі патрэбным і змяняць ўведзеныя той жа пастановай Саўміна наконт абмежавання паездак і нормы правозу паліва праз мяжу. За захаванне дзеючых зараз абмежаванняў падчас прамой тэлефоннай лініі выказаўся старшыня Мытнага камітэта Аляксандр Шпілеўскі:
“Стабілізацыя на мяжы адбылася менавіта дзякуючы прыняццю дадзеных мер. Таму, я лічу, такія меры слушнымі і іх немэтазгодна адмяняць”.
Нагадаем, пастанова Саўміна, у адпаведнасці з якой выязджаць за межы Мытнага саюза на адным і тым жа аўтамабілі з Беларусі можна адзін раз на 8 дзён, набыла моц 28 лістапада 2011 года. Такім чынам урад “узмацніў меры па абмежаванні вывазу з краіны аўтамабільнага паліва і стабілізацыі сітуацыі ў пунктах пропуску праз дзяржмяжу Беларусі”.