Рэальны заробак у кастрычніку знізіўся на 5,2%
Пры гэтым намінальны заробак крыху ўзрос і склаў 2 мільёны 318 тысяч рублёў, паведамляе Белстат.
Зніжэнне рэальнай заробнай платы адбылося з улікам кастрычніцкай інфляцыі. У Нацыянальным статыстычным камітэце пры гэтым адзначаюць, што ў другім паўгоддзі прырост рэальнага заробку запаволіўся да 5,9%. А вось у першым паўгоддзі тэмпы яго росту былі ажно 15,8%.
