Пятнаццаць супрацоўнікаў дзіцячага садка засталіся без працы
У вёсцы Дзяніскавічы Ганцавіцкага раёна зачыняюць дзіцячы садок “Калабок”.
Працу ў школе прапанавалі толькі аднаму выхавацелю з шаснаццаці супрацоўнікаў. Працы для іншых у вёсцы няма.
Садок зачыняюць таму, што цяпер у ім на 16 штатных супрацоўнікаў толькі 14 дзяцей-выхаванцаў. Да таго ж 10 з іх сёлета ідуць у школу. Атрымліваецца, што ў вёсцы, дзе жывуць больш за тысячу чалавек, у садку можа выхоўвацца толькі 5-6 дзетак, піша газета “Ганцавіцкі час”.
