Продаж "чарніла" забароняць у адным асобна ўзятым раёне
У якасці эксперыменту забарона на рознічны гандаль пладова-ягаднымі вінамі будзе ўведзена ў Слуцкім раёне.
Аб гэтым паведаміў сёння на пасяджэнні Мінаблвыканкама намеснік старшыні Мінаблвыканкама Віктар Шчацько, перадае БЕЛТА.
Шчацько адзначыў, што праблема п'янства і алкагалізацыі насельніцтва актуальная для вобласці. На 1 студзеня 2011 года на наркалагічным уліку стаялі каля 47,2 тыс. чалавек (на 1 студзеня 2010 года — 45,9 тыс.), у тым ліку больш за 2,5 тыс. непаўналетніх.
