Праваслаўныя і каталікі: перанос працоўнага дня на нядзелю — ненармальна
Рашэнне кіраўніка дзяржавы ўспрынялі са здзіўленнем і ў Беларускай Праваслаўнай Царкве, і ў Касцёле.
Нагадаем, працоўны дзень з пятніцы 9 сакавіка ў нашай краіне пераносіцца на нядзелю 11 сакавіка. Адпаведны ўказ падпісаў Аляксандр Лукашэнка. Раней меркавалася, што працоўны дзень перанясуць на 17 сакавіка.
Як паведамляе беларускі партал tut.by, у прэс-службе Беларускай Праваслаўнай Царквы і ў сакратарыяце Канферэнцыі каталіцкіх біскупаў Беларусі не падтрымліваюць замену працоўнай пятніцы на працоўную нядзелю.
"Нішто не можа адмяніць запаветы Божыя", — сказалі ў прэс-службе БПЦ. Нагадаем, што для хрысціянаў нядзеля — гэта святочны дзень, вернікі ў гэты дзень наведваюць храмы.
