Маскевіч: плата за вучобу ў ВНУ можа вырасці прыкладна на 8-10%
З красавіка. Такое меркаванне на прэс-канферэнцыі ў Мінску выказаў міністр адукацыі.
“Большасць ВНУ ўжо маюць сродкі толькі на заробак, таму цягам семестра ўрад пойдзе на некаторае павелічэнне затрат на навучанне. З красавіка ў межах 8%, можа быць. Сёння ўжо менш за 60% затрат пакрываюцца студэнтамі-платнікамі”, — сказаў Сяргей Маскевіч (на здымку).
130226_mackevich2platazavuchou.mp3
Нагадаем, міністр таксама паведаміў, што будзе скарочаны прыём на юрыдычныя спецыяльнасці, на педагагічныя, на гуманітарныя. А вось колькасць месцаў на спецыяльнасці тэхналагічнай вытворчасці павялічыцца.
Фота — bymedia.net
