Паўлу Севярынцу афіцыйна адмовілі ў амністыі
Яго выклікалі ў дзяжурную частку спецкамендатуры №7 і паказалі паперу, у якой паведамляецца, што амністыя Севярынца не датычыць.
Нагадаем, што сустаршыня Беларускай Хрысціянскай Дэмакратыі Павел Севярынец адбывае тры гады абмежавання волі. Яго прызналі вінаватым у арганізацыі масавых беспарадкаў 19 снежня 2010 году.
Апошняя амністыя была праведзеная ў Беларусі у сярэдзіне ліпеня. Ніводны палітвязень па амністыі вызвалены не быў.
"Палітвязні сёння – гэта закладнікі, - кажа Павал Севярынец. – Відавочна, што выгандляваць грошы за вызваленне сваіх апанентаў на Захадзе рэжыму не ўдалося. Гэта значыць, палітвязні і надалей застануцца ў турмах".
