Павел Вінаградаў абвясціў галадоўку
Актывіста кампаніі "Гавары праўду!" прывезлі ў суд Маскоўскага раён Мінска. Тут павінен адбыцца працэс над ім.
Як паведамляе ў сваім твітары Андрэй Дзмітрыеў, на знак пратэсту супраць арышту Вінаградаў абвясціў галадоўку. Нагадаем, што актывіста затрымалі ўчора ўвечары. Толькі пасля 3 гадзін ночы жонка высветліла, што Вінаградаў знаходзіцца ў турме на Акрэсціна.
Ёсць меркаванне, што нагодай для затрымання актывіста стала ўчорашняя ШОС-акцыя каля Дома ўрада, якую правялі юнакі ініцыятывы "Гавары праўду!".
