Пасля наведвання Лукашэнкі макароны прайшлі тэрмаапрацоўку
На Мінскім камбінаце хлебапрадуктаў макароны, якія кранала рукамі дэлегацыя на чале з кіраўніком дзяржавы, апрацавалі парай.
У лабараторыі камбіната Еўрарадыё расказалі пра спецыяльныя гігіенічныя працэдуры, якія праходзяць супрацоўнікі, перад тым, як пачаць працаваць з прадукцыяй. Яны пераапранаюцца ў спецвопратку і некалькі разоў мыюць рукі.
Нагадаем, што 22 лютага Аляксандр Лукашэнка наведаў Мінскі камбінат хлебапрадуктаў. У відэасюжэце дакладна відаць, што дэлегацыя ў верхняй вопратцы, ці мылі яе ўдзельнікі рукі — невядома. Але ў лабараторыі Еўрарадыё супакойваюць:
“Мы іх (макароны — заўвага Еўрарадыё) апрацавалі парай, Усё высушылі. Таму не перажывайце”.
