Партыя БНФ прапануе правесці Кангрэс дэмакратычных сілаў
Ён мусіць адбыцца ў траўні-чэрвені, напярэдадні парламенцкіх выбараў.
Як заявіў на брыфінгу ў Мінску старшыня Партыі БНФ Аляксей Янукевіч, вельмі важна, каб было дасягнута "калі не адзінства, то каардынацыя высілкаў усіх дэмакратычных сілаў". Палітык перакананы, што можна аб'яднаць у адзіны сцэнар розныя тактыкі — тых, хто за байкот, і тых, хто за вылучэнне кандыдатаў. Таму Партыя БНФ заклікае пацвердзіць гэтую стратэгію на кангрэсе, інфармуе БелаПАН.