Палкоўнік ГРУ рыхтаваўся да партызанскай вайны з інтэрвентамі
Такую заяву Уладзімір Квачкоў зрабіў у панядзелак у Маскоўскім гарсудзе.
Адстаўны палкоўнік заявіў, што рыхтаваўся не да мецяжу, у арганізацыі якога яго абвінавачваюць, а "да партызанскай вайны на выпадак магчымага ўварвання непрыяцеля".
Паводле слоў Квачкова, яго арганізацыя "Народнае апалчэнне" здзяйсняла "партызанскія вучэнні, каб быць гатовымі на выпадак вайны". Бо ён мае сумневы ў баявых якасцях расійскай арміі.
Як паведамляе РІА "Новости", Уладзімір Квачкоў сцвярджае, што расійскія спецслужбы ўкаранілі ў шэрагі яго арганізацыі сваіх агентаў, якія і "правакавалі яго на мяцеж".
Адстаўному палкоўніку ГРУ пагражае да 20 гадоў турмы.
Фота — ria.ru
