Пакуль БАТЭ даляцеў да Тэль-Авіва, Мазалеўскі стаў бацькам
Беларуская каманда прыляцела ў Ізраіль, дзе ў аўторак правядзе паўторны матч плэй-оф кваліфікацыі Лігі чэмпіёнаў з "Хапаэлем".
Нагадаем, у першым матчы ў Мінску БАТЭ выйграў з лікам 2:0.
Як паведамляе прэс-служба барысаўчан, пералёт з Беларусі да нацыянальнага аэрапорта "Бен-Гурыён" заняў больш за тры гадзіны. Гатэль "David Intercontinental", у якім пасяліліся беларусы, месціцца на беразе Міжземнага мора. Тэмпература паветра — каля 30 градусаў цяпла.
Ужо ў Ізраілі да БАТЭ дайшла вестка, што ў нападаючага Дзмітрыя Мазалеўскага ў Беларусі нарадзілася дачка. Віншуем!
Матч пройдзе на стадыёне ў Рамат-Гане. БАТЭ мае добрыя шанцы, каб зноў выйсці ў групавы этап Лігі чэмпіёнаў.
Фота — fcbate.by