Пад Магілёвам лунае 6-метровы бел-чырвона-белы сцяг (фота)
Актывісты “Нашага Магілёва” вывесілі яго ў гонар Сяргея Каваленкі і Дня Волі.
Палотнішча агульнай плошчай 18 м.кв. было вывешанае на трасе Е95 з боку Віцебска, паведамляе сайт gazetanm.eu.
Cаміх жа актывістаў, якія былі вымушаны літаральна ўцякаць ад пагоні міліцыянтаў, выратаваў кіроўца машыны, што выпадкова прыпынілася. Ён адвёз хлопцаў у горад.
Трэба адзначыць, што акцыя на Дзень Волі грамадскімі актывістамі ладзіцца трэці год запар. Самы вялікі сцяг, які быў вывешаны, раней меў плошчу 24 м.кв.
