Пад Баранавічамі рабуюць схроны для ядзернай зброі
Былыя схроны каля вёскі Млынок разбіраюць на цэглу.
Ядзерныя боегалоўкі, якія тут захоўваліся, прызначалася палку далёкай авіяцыі, што месціўся ў Баранавічах. Цяпер многія былыя лётчыкі жывуць у гэтым райцэнтры, хаця полк перабраўся ў Расію. Ужо ў дзевяностых у Млынку нават планавалі зрабіць Дзяржхран для захоўвання залатога запасу.
Мясцовыя жыхары ўжо забралі на ўласныя патрэбы і дрот, і парабалічныя шкляныя пражэктары,і слупы, і пад’язныя рэйкі. Цяпер паціху разбіраюць сцены схронаў і збудаванняў. Вяскоўцаў нават не цікавіць, ці ёсць радыяцыя ў тых сценах.
