Намеснік міністра сельскай гаспадаркі: Будзем звяртацца па студэнтаў
Бо сельскай гаспадарцы крытычна не хапае механізатараў на пасяўную.
Васіль Паўлоўскі: "Нам не хапае да 6 тысяч механізатараў. Ёсць тэндэнцыя, што, магчыма, будзем звяртацца па студэнтаў-выпускнікоў ВНУ для асобных гаспадарак. Цяпер разглядаецца кожны працаўнік, які мае пасведчанне, каб кіраваць тэхнікай”.
Сёлета пасяўная пройдзе у сціслыя тэрміны — ад дзесяці дзён да двух тыдняў. На поўдні яна пачнецца 15-17 красавіка, на поўначы — не раней за 20 красавіка.
Фота — bymedia.net
