На Віцебшчыне выбіраюць лепшага студэнта

За званне студэнта года змагаюцца чатыры дзяўчыны і адзін хлопец. Цікава, што хлопца вылучыў універсітэт імя Машэрава, які рыхтуе у асноўным будучых педагогаў і традыцыйна лічыцца “дзявочай” навучальнай установай.

У аўторак студэнткі і студэнт павінны паказаць сябе і свае каманды у спартовых спаборніцтвах. У другі дзень ім давядзецца змагацца ў разнастайных конкурсах індывідуальна. Адным з асноўных з іх будзе дыскусія на тэму “Любоў, шлюб, сям’я – ідэалы, ілюзіі і рэчаіснасць”.