На сайце КПРФ з'явілася показка пра Лукашэнку
На афіцыйным сайце Камуністычнай партыі Расіі ў рубрыцы "Новыя анекдоты ад Івана Нікітчука" з'явіўся анекдот пра Лукашэнку.
Падаем твор былога дэпутата Дзярждумы таварыша Нікітчука.
"Тэлефануе Мядзведзеў Лукашэнкі і кажа:
— Вось у вас ў Беларусі з правамі чалавека напружана.
На што Лукашэнка адказвае:
— Дзмітрый Анатольевіч, пагадзіцеся, што ў мяне свае праблемы, а ў вас свае, але на мяжы паміж Расіяй і Беларуссю стаяць два маіх палкі.
Мядзведзеў у жаху кідае слухаўку і тэлефануе Сердзюкову з пытаннем:
— Колькі ў Беларусі палкоў?
— Два.
— А пад якім сцягам яны пойдуць?
— Пад чырвоным.
— Ну, дзякуй Богу, калі два палкі пойдуць на Маскву, то да Крамля дойдзе не болей за батальёна, справімся!
— Баюся, што калі яны пад чырвоным сцягам пойдуць, то да Крамля дойдзе 20 палкоў!".
На сайце КПРФ анекдоты аднесеныя да раздзелу "Палітыка і гумар". А побач — сур'ёзны тэкст пад загалоўкам "Г. А. Зюганаў на сесіі ПАСЕ ў Страсбургу: Еўропе трэба не асуджаць Беларусь, а браць з яе прыклад!".