На Піншчыне скралі цудатворны абраз Хрыста Збаўцы
Сто гадоў таму на ім праступіла нерукатворная выява Багародзіцы. Пакланіцца святому абразу з’язджаліся паломнікі з усёй Беларусі.
Здарэнне адбылося ў вёсцы Лышча на Піншчыне. Невядомы зламыснік скраў з царквы святога князя Аляксандра Неўскага 200 тысяч рублёў, пяць абразоў ХІХ стагоддзя, два Евангеллі, металічныя крыжы і 18 вырабаў з каштоўных металаў.
Следчы камітэт распачаў крымінальную справу, зараз ідзе пошук злачынцы.
