Музыкі No Comment Band зняліся аголенымі, каб распіярыць новы сінгл
На новым дыску мінскіх рокераў выйшла студыйная версія песні "Tango For Leavers" і канцэртная "Proper Fairy".
Гурт No Comment Band выпусціў сінгл, які будзе складацца з двух песень: студыйнай версіі "Tango For Leavers" ды канцэртнай версіі "Proper Fairy".
"Прыгожая, лірычная кампазіцыя. Трошкі сумная, але ў прынцыпе і жыццёсцвярджальная. Яна пра тое, што ў жыцці кожнага чалавека адбываюцца змены, за якія часам даводзіцца плаціць. Змены ў адносінах, у жыцці, а ў любых дзеянняў ёсць свой кошт. Але сумаваць не трэба, жыццё працягваецца, – распавядае пра песню "Tango For Leavers" і тлумачыць выбар яе для сінгла вакаліст гурта Мацвей Купер. – Проста наспеў час сказаць свету гэтыя словы".
Канцэртны ж варыянт "Proper Fairy" быў запісаны падчас выступу No Comment Band на міжнародным фінале Emergenza ў мястэчку Таўберталь у Германіі. Таксама на канале гурта на YouTube ёсць відэаздымка гэтай песні на тым жа канцэрце. Афіцыйнае ж відэа на "Танга" з'явіцца крыху пазней. Зараз Сяргей Пратасавіцкі, які працаваў і над першым ролікам каманды на песню "I Wanna Be Madonna", распрацоўвае сцэнарый новага кліпа.
Да выдання сінгла музыкі зладзілі фотасесію, дзе зняліся абсалютна голымі. Мацвей прызнаўся, што такі фармат здымкаў абралі для піяру, каб людзі маглі ўбачыць іх “мамоны”. Скачаць песні "Tango For Leavers" ды "Proper Fairy" можна будзе на сайце гурта ды на яго старонках у сацыяльных сетках.
Студыйны варыянт "Tango For Leavers":
Канцэртны варыянт "Proper Fairy":
