Мінскае “Дынама” прайграла трэці раз запар у першынстве КХЛ
Сёння каманда Марэка Сікоры прайграла ў сябе дома ў авертайме маскоўскаму “Спартаку” — 3:4 (1:1, 2:2, 0:0, 0:1).
Раней гараджане прайгралі 2:3 (па булітах) мыцішчанскаму “Атланту” і 1:3 ніжагародскаму “Тарпеда”.
Пасля 21 матча “Дынама” з 36 ачкамі займае першае месца ў дывізіёне Тарасава, другое — у Заходняй канферэнцыі і пятае — у агульнай табліцы. Каманда мае 8 перамог у асноўны час і 4 па булітах, 5 паразаў у асноўны час, 3 у авертайме і 1 па булітах. Розніца шайбаў — 58-50.
Наступныя два матчы “Дынама” таксама правядзе дома: 4 лістапада — з “Северсталлю”, 6-га — з “Віцязем”.
