Мінэканомікі: Замежны гандаль абваліўся з-за растваральнікаў і біядызелю
У верасні экспарт тавараў знізіўся больш як на 400 мільёнаў долараў у параўнанні са жніўнем, альбо на 11,1%.
Пра гэта гаворыцца ў аналітычнай справаздачы Міністэрства эканомікі, перадае interfax.by.
Праблемы ў замежным гандлі Мінэканомікі тлумачыць значным скарачэннем экспарту растваральнікаў, нафтапрадуктаў (у тым ліку экспарт біядызелю зменшыўся на больш як на 35%), калійных угнаенняў (на 28,5%).
Амаль на 10% зменшыўся і імпарт у верасні ў параўнанні са жніўнем. Ключавымі фактарамі сталі зніжэнне імпарту нафтапрадуктаў у 6 разоў у параўнанні з сярэднямесячным імпартам у студзені-ліпені.
Нагадаем, што Беларусь пад ціскам Расіі, якая палічыла "растваральны" бізнэс бязмытным рээкспартам расійскіх нафтапрадуктаў, са жніўня спыніла экспарт растваральнікаў са сваёй тэрыторыі. У сваю чаргу, афіцыйны Мінск заяўляе, што ва ўмовах Мытнага саюза растваральнікі і біядызельнае паліва не абкладаюцца экспартнымі мытамі.
Фота — freesmi.by