Мікалай Чаргінец едзе глядзець кароваў і норак
Каля 40 пісьменнікаў і журналістаў на чале з генералам Мікалаем Чаргінцом выпраўляюцца ў турнэ па Гродзеншчыне.
За бліжэйшыя два дні прадстаўнікі дзяржінтэлігенцыі правядуць творчыя сустрэчы у гродзенскіх універсітэтах ды школах, арганізуюць літаратурную імпрэзу для гродзенскіх памежнікаў. Сталічных гасцей чакаюць экскурсіі ў музеі Максіма Багдановіча і Элізы Ажэжкі.
Найбольш інтрыгоўнай падзеяй турнэ будзе візіт у вядомы сельскагаспадарчы комплекс “Прагрэс-Вярцелішкі”. Там, акрамя звыклых кароваў і птушак, гадуюць ажно 5 відаў норак — агульнай колькасцю 47 тысяч жывёлак.
Паводле сайта Гродзенскага аблвыканкама, тур праводзіцца ў межах рэалізацыі даручэння Лукашэнкі “ісці ў народ”. Такое заданне кіраўнік дзяржавы даў на восеньскай сустрэчы з чальцамі Саюза пісьменнікаў Беларусі.
Фота — soyuz.by