Медустановы Баранавіцкага раёна — без вады і ацяплення
З 40 дзейных у раёне фэльчарска-акушэрскіх пунктаў (ФАП) у 13 няма гарачай вады.
Да 23 не падведзеная цэнтральная каналізацыя, а шэсць ацяпляюцца з дапамогай вясковых печаў.
Такую інфармацыю агучыў на паседжанні гарвыканкама галоўны лекар Баранавіцкай цэнтральнай паліклінікі Віктар Міхалоўскі. Па яго словах, толькі сем раённых ФАПаў адпавядаюць санітарна-гігіенічным нарматывам. А каб прывесці адзін фэльчарска-акушэрскі пункт у належны стан, трэба 500-600 мільёнаў рублёў.
Галоўны лекар лічыць немэтазгодным рамантаваць іх да 2015 года. Ён прапануе сем з іх перадаць сельсаветам і зрабіць там дамы сацыяльных паслуг.
Фота — info-altai.ru
