Магілёвец Алег Аксёнаў застаецца на прафілактычным уліку ў КДБ
Праз суд ён не дамогся адмены гэтай пастаноўкі.
Суддзя Ленінскага раёна Магілёва Юрчанка палічыў, што КДБ мела ўсе законныя падставы, каб узяць актывіста аргкамітэта партыі БХД пад больш пільны кантроль.
Нагадаем, што Алега Аксёнава паставілі на прафулік у КДБ 22 кастрычніка. Нагодай для гэтага стала яго дзейнасць ад імя незарэгістраванай арганізацыі. Сам Аксёнаў ніякіх дакументаў у КДБ не падпісваў.
Дарэчы, у Магілёве на прафілактычным уліку ў КДБ знаходзяцца лідарка магілёўскай арганізацыі БХД Таццяна Шамбалава і лідар магілёўскай абласной філіі ПБНФ Зміцер Салаўёў. Ніякіх абмежаванняў сваіх правоў актывісты пакуль не адчулі.
Фота — svaboda.org