Магілёўца пакаралі штрафам за распаўсюд незалежнай газеты
Актывіст БНФ Сяргей Нягацін мусіць выплаціць дзяржаве 3 мільёны рублёў.
Суддзя Ленінскага раёна Магілёва Аксана Ратнікава палічыла, што на распаўсюд незарэгістраванай газеты “Тут і цяпер” мусіць быць спецыяльная дамова, якой ў актывіста няма.
Па словах суддзі высокая сума штрафа абумоўлена грамадскай небяспекай здзейсненага і непрызнаннем віны.
Нагадаем, што ўчора Сяргея Нягаціна міліцыянты запрасілі ў пастарунак забраць канфіскаваныя раней газеты “Тут і цяпер”. Калі ж ён там з’явіўся, то на яго быў складзены пратакол аб адміністрацыйным правапарушэнні. Адразу з пастарунка яго адвезлі ў суд. Суддзя, па хадайніцтве актывіста, перанесла судовую справу на 12 красавіка.
Фота — svaboda.org
