Лукашэнка загадаў скончыць рэканструкцыю "Дынама" да 7 лістапада 2014-га
Кіраўнік дзяржавы ў панядзелак правёў нараду па рэканструкцыі галоўнага стадыёна краіны.
"Мы не патрабуем там стварыць суперстадыён..., — сказаў на нарадзе Аляксандр Лукашэнка. — Нам трэба кампактны, еўрапейскага ўзроўню стадыён, прыкладна, на 40-45 тысяч гледачоў... Мы не настолькі заможныя, каб з шыкам нешта там будаваць. Павінен быць функцыянальны, прыгожы стадыён з захаваннем таго гістарычнага аблічча, пра якое мы дамаўляліся".
Лукашэнка запатрабаваў неадкладна пачаць працы па рэканструкцыі стадыёна, неадкладаючы іх да вясны. Ён сказаў, што здаць стадыён трэба да канца 2014 года, "а лепш да 7 лістапада".
