Лукашэнка прапанаваў Сінгапуру купіць акцыі беларускіх кампаній
Па яго словах, Беларусь гатовая разглядаць любыя прапановы па продажы Сінгапуру пакетаў акцый найбуйнейшых кампаній.
Пра гэта беларускі кіраўнік заявіў 21 сакавіка падчас сустрэчы з прэм'ер-міністрам Сінгапура Лі Сянь Лунам. Адзінай умовай Лукашэнка назваў празрыстасць, эканамічную абгрунтаванасць і ўзаемную выгаду, інфармуе БЕЛТА.
Лукашэнка лічыць перспектыўным узаемадзеянне з Сінгапурам у сферы прыцягнення прамых інвестыцый і ўдзелу сінгапурскіх кампаній у прыватызацыі беларускіх прадпрыемстваў.
Лукашэнка звярнуў увагу сінгапурцаў на Беларуска-кітайскі індустрыяльны парк, які ствараецца пад Мінска, "з беспрэцэндэнтным ільготамі" для інвестараў. Мадэллю для гэтага праекта стаў Кітайска-сінгапурскі індустрыяльны парк у горадзе Сучжоў, дадаў кіраўнік Беларусі.
