Лукашэнка: на стадыёне "Дынама" ўжо растуць бярозкі
На нядаўняй нарадзе, прысвечанай вынікам выступлення беларускіх алімпійцаў у Лондане, кіраўнік дзяржавы выказаўся пра стан мінскага стадыёна "Дынама".
"Нягледзячы на тое, што рашэнне аб яго рэканструкцыі даўно прынята, практычна нічога не робіцца — ні інвестара няма, ні нармальнага архітэктурнага рашэння і гэтак далей..., — цытуе словы Аляксандра Лукашэнкі "Прессбол". — Ну добра — час на гэта трэба. Пачалі раптам займацца, ведаючы пра тое, што сход стаіць у графіку ў прэзідэнта. Пасылаю Якабсона, кажу: "Аляксандр Серафімавіч, схадзі паглядзі, што там робіцца". Ён мне як перадаў фатаграфіі — ведаеце, мне дрэнна стала. Іх, Аляксандр Серафімавіч, трэба ўсіх пасадзіць! Усіх нягоднікаў! Таму што гэта першы аб'ект, які я з салдатамі прыводзіў у парадак. Пакінулі ў сябе гэты рынак. (У залу) Куды грошы падзелі ад рынку? (Якабсону) Займіцеся прынцыповым чынам, давядзіце да канца. Нікога не шкадуйце! Жуллё. І гэта проста пад вокнамі Мінспорту. (Качану) Табе што, цяжка было зайсці на стадыён і паглядзець, што там бярозкі растуць? Там, дзе людзі павінны сядзець?".
Нагадаем, што пасля нарады міністр спорту Алег Качан быў адпраўлены ў адстаўку.
Фота — bymedia.net
