Літва паведаміць пра “ваенных злачынцаў” з беларускім пашпартам
У бліжэйшыя тыдні Генеральная пракуратура Літвы мае намер звярнуцца ў суд з нагоды прызнання 81 асобы падазраванымі ў справе аб падзеях 13 студзеня 1991 года.
Зараз яны пражываюць за межамі Літвы — у Беларусі, Расіі ды іншых краінах, інфармуе 15min.lt. Таксама Генпракуратура плануе накіраваць у Расію і Беларусь паведамленні аб пражываючых у гэтых краінах падазраваных у ваенных злачынствах.
Уначы 13 студзеня 1991 года з часе штурму савецкімі ваеннымі падраздзяленнямі Віленскай тэлевежы і будынку Тэлерадыёкамітэту загінулі 14 чалавек. 31 ліпеня таго ж года на мытным пасту Мядзінінкай былі забітыя сямёра супрацоўнікаў паліцыі і мытні, якія ахоўвалі мяжу тады яшчэ не прызнанай Савецкім Саюзам Літоўскай дзяржавы.
