Лепшыя тэнісісткі свету здымаюцца з буйных турніраў
Дзейсная чэмпіёнка “Уімблдону” і US Open Серэна Уільямс і яе сястра Венус зняліся з абавязковага “Прэм’ера” у Пекіне, які стартуе ў панядзелак.
Прычына адмовы Венус — траўма спіны. Серэна ў сваю чаргу знялася са спаборніцтваў з-за грыпу. У асноўнай сетцы турніру Уільямс-малодшую заменіць Раміна Апрандзі.
Нагадаем, што 27 верасня з іншага турніру катэгорыі “Прэм’ер” знялася першая ракетка свету — беларуска Вікторыя Азаранка. Яна павінна была згуляць у японскім Токіа чвэрцьфінальным паядынку з немкай Ангелікай Кербер (5), але адчула сябе кепска і вырашыла не рызыкаваць.
