Касманаўт Алег Навіцкі вярнуўся на Зямлю (відэа)
Экіпаж 34-й экспедыцыі на Міжнародную касмічную станцыю раніцай у суботу, 16 сакавіка, прызямліўся ў казахстанскім стэпе.
Капсула з камандзірам місіі беларусам Алегам Навіцкім, бортінжынерамі Яўгенам Тарэлкіным і Кевінам Фордам на борце прызямлілася ў раёне горада Аркалык, паведамляе РБК.
Пасля прызямлення касманаўты паведамілі, што пачуваюцца добра. Нагадаем, што касманаўты мусілі вярнуцца 15 сакавіка. Але іх прызямленне перанеслі на суткі праз дрэнныя ўмовы надвор'я ў раёне меркаванай пасадкі.
Палёт доўжыўся з 23 кастрычніка 2012 года. Алег Навіцкі стаў трэцім беларусам, які паляцеў у космас.