інфатэка

Рэпартажы
“Калі не хапае падручнікаў — бярэм у гарадскіх школ”

Чэмпіянат свету па хакеі Тэракт у Мінску Забароненыя музыкі Лукашэнка Палата дэпутатаў Палітвязні Рэцэнзіі на альбомы Курэйчык VS ПРААН

“Калі не хапае падручнікаў — бярэм у гарадскіх школ”

У беларускамоўнай школе вучацца па падручніках на рускай.

Аўтар: Арцём Мартыновіч 24.10.2011 16:52

111024 Martin Padru4niki.mp3

Пытаюся ў вялікасліўскай школе Слуцкага раёну, ці хапае падручнікаў вучням.

“Не, падручнікаў у нас не хапае. Няма па англійскай мове за дзявяты клас. Раздрукоўваем падручнікі на лістках. У нас беларускамоўная школа, а па хіміі і біялогіі падручнікі на рускай”.

Каб забяспечыць школьнікаў неабходнай літаратурай, даводзіцца пазычаць падручнікі ў іншых школах, кажа супрацоўніца школы.

“Калі не хапае падручнікаў — бярэм у гарадскіх школ. А з англійскай мовай — мы знайшлі электронны падручнік і раздрукоўваем яго”.

Але цяпер усе вучні кнігамі забяспечаныя, упэўніваюць у школе.

У школе наракаюць, што з вобласці дасылаюць недастаткова навучальных кніг. Звяртаемся ва Упраўленне адукацыі Мінаблвыканкама. Там праблемы ў падручніках не бачаць.

“Пытанняў няма ў нас, усе забяспечаныя падручнікамі. Кантынгент вучняў мяняецца: у кагосьці менш вучняў, у кагосьці больш, але ўсё гэта вырашаецца”.

У брэсцкай школе №25 сёлета стала больш дзяцей. Таму на пачатку вучобы падручнікаў не хапала на цэлы пяты клас. Прыйшлося пазычаць у калег.

“У нас у гэтым годзе — лішнія. Паралелі пятых класаў — чатыры класы. У гэтым годзе новы дадалі. Не хапала падручнікаў на цэлы клас, і я іх збірала па іншых школах”, — кажа бібліятэкарка.

Але пяты клас не адзіны ў гэтай школе, каму не хапіла сродкаў навучання.

“У гэтым годзе і трэцяга не хапала. Але мы ўсё адно дабіраем па школах, да 15 верасня ўсіх забяспечваем. У нас праблема з англійскай і нямецкай. Заўжды нейкіх падручнікаў нестае”.

У сталічных школах падручнікаў хапае. Але іншая праблема — няма ў дастатковай колькасці мастацкай літаратуры.

“Не хапае ў бібліятэцы школьнай літаратуры. Бо мы мусім самі шукаць спонсараў, рабіць акцыі “Падарунак школе”. Калі дзіця прыходзіць у кнігарню — там яркія кнігі, а ў нас — з 1980-х гадоў”.

Нават пераможца конкурсу “Лепшы настаўнік 2011” Інэса Зубрыліна друкуе на кампутары матэрыялы да ўрокаў, бо не хапае падручнікаў. Выкладчыца працуе ў першай гімназіі горада Дзятлава.

Фота: svobodanews.ru