Херман ван Рампей павіншаваў Барака Абаму з перамогай
Старшыня Еўрапейскага Савета зрабіў гэта праз свой блог у Twitter.
Херман ван Рампей напісаў: "Я шчаслівы, што прэзідэнт Абама пераабраны".
Нагадаем, дзейны прэзідэнт ЗША Барак Абама набраў 303 галасы выбарцаў пры неабходных 270. Таму яшчэ да абвяшчэння афіцыйных вынікаў яго пачалі віншаваць з перамогай лідары многіх краін свету. Між іншым, з перамогай Абаму павіншаваў прэм'ер-міністр Вялікабрытаніі Дэвід Кэмеран. Зрабіў ён гэта таксама ў Twitter.
Міт Ромні, прадстаўнік Рэспубліканскай партыі, сапернік Абамы на выбарах, ужо прызнаў сваё паражэнне.
Фота — AFP