Гродзенцаў запрашаюць паназіраць за птушкамі
Спецыяльна для гэтага ў гарадскім парку Жылібера арнітолагі ўсталююць біноклі і трубы.
Незвычайная акцыя гродзенскага аддзялення грамадскай арганізацыі “Ахова птушак Бацькаўшчыны” пройдзе ў заўтра з 14 да 16 гадзін. Традыцыйна ў першыя выходныя кастрычніка беларускія арнітолагі арганізуюць Еўрапейскія дні назіранняў за птушкамі.
На беразе рэчкі Гараднічанкі арнітолагі пакажуць фотавыставу “Нашы птушкі – 2011”. Самым маленькім удзельнікам назіранняў прапануюць скласці выявы птушак з канструктара.
