Гродзенскія сілавікі падрыхтаваліся да зменаў у правілах перасячэння мяжы

Увечары, перад уступленнем у сілу новых абмежаванняў на выезд з краіны, на беларуска-польскай мяжы ўтварылася доўгая чарга. Для яе рэгулявання ДАІ выставіла дадатковыя пасты. Каб перастрахавацца ад паўтарэння летняга пратэсту перавозчыкаў паліва, міліцыя накіравала на памежны пераход аўтазак і АМАП.

Падрыхтаваць сюжэт пра новыя правілы перашкодзілі журналістам тэлеканала “Белсат” . Іх аўтамабіль спынілі яшчэ на выездзе з горада. ДАІшнікі заявілі, што машына скрадзеная. Журналістаў адвезлі ў міліцэйскі пастарунак, пратрымалі тры гадзіны і адпусцілі.

Нагадаем, што ад учарашняга дня выязджаць на ўласным аўтамабілі за межы Беларусі можна раз на восем дзён. Урад тлумачыць абмежаванні жаданнем не дапусціць вывазу паліва за мяжу.