Гродзенская друкарня: Мы знайшлі вершы Быкава ў інтэрнэце (фота)
У друкарні зрабілі сшытак з вершамі маладога расійскага пісьменіка Васіля Быкава пад партрэтам беларускага класіка ХХ стагоддзя.
Пра гэта Еўрарадыё распавялі ў вытворчым аддзеле гродзенскай друкарні.
Супрацоўніца друкарні: “Гэта інтэрнэт нас падвёў, прыкрая памылка. Моладзь не дасведчаная: залезлі ў інтэрнэт, убачылі — Васіль Быкаў, і паставілі туды. Гэта да Дня пісьменства рабілася”.
Вершы Быкава на сшытку выйшлі накладам у тысячу асобнікаў. Работнікі друкарні супакойваюць, што цяпер амаль увесь наклад забралі з гандлю.
