Грамадскі транспарт Мінска можа падаражаць яшчэ ў кастрычніку
Мінсктранс ужо накіраваў у Міністэрства эканомікі Беларусі прапанову аб паэтапным павышэнні тарыфаў на праезд.
Першае падаражанне павінна адбыцца да 1300 рублёў ужо ў кастрычніку. Потым кошт талончыка складзе 1600 рублёў. А пад канец года праезд падаражэе да 1800 рублёў.
Асноўнай прычынай павелічэння коштаў на транспарт з'яўляецца падаражанне расходных матэрыялаў. У першую чаргу паліва, паведамляе агенцтва “Прайм ТАСС”.
Нагадаем, што раней аб неабходнасці падвышэння коштаў на праезд у сталіцы гаварыў кіраўнік Мінгарвыканкама Мікалай Ладуцька.