Гомельскі метал-фэст "Масс Меdиум" зачыняецца
Такое рашэнне арганізатары прынялі ў сувязі з трагічнай гібеллю падчас канцэрта бас-гітарыста гурта Litvintroll Алега Клімчанкі.
“Тое, што фэст не працягнецца ў далейшым ― гэта 100%. Ён будзе закрыты. А ці будзе дайграны гэты канцэрт і ці перарасце ён у канцэрт, прысвечаны Алегу, мы вырашым, калі будзем ведаць усе прычыны”, ― распавядае Еўрарадыё арганізатар фэсту “Масс Меdиум”, вядомы гомельскі музыка Павел Паўліхін.
Упершыню фэст “Масс Меdиум” праведзены ў 2000 годзе. Першы і некалькі наступных канцэртаў адбыліся ў клубе “Адрэналін”. Пасля яго закрыцця ММ пераехаў у Гарадскі цэнтр культуры. А калі ў 2010 годзе на рэканструкцыю закрыўся ГЦК, “Масс Меdиум” ператварыўся ў першы ў Гомелі open-air.
Сёлета фэст вярнуўся ў адрамантаваны Гарадскі цэнтр культуры. На жаль, вяртанне скончылася трагедыяй.
Фота — kp.by
