Глыбокае хоча стаць вішнёвай сталіцай Беларусі
Для гэтага ў наступным годзе ў горадзе пройдзе вішнёвы фестываль.
Мясцовыя ўлады ўжо пачалі падрыхтоўку да яго. Пройдзе ён у сярэдзіне лета 2013-га года.
У праграму фестываля будзе ўключана кулінарнае шоу, забаўляльныя праграма, а галоўнай падзеяй павінен стаць вішнёвы кірмаш. Па задумцы арганізатараў, гэты фестываль дапаможа прывабіць у рэгіён турыстаў, і, як вынік, стварыць новы турыстычны брэнд.
Глыбоцкія вішні вядомыя далёка за межамі раёна. Яны салодкія, сакавітыя і марозаўстойлівыя.
Фота — bymedia.net