Генпракуратура зацікавілася выпускам пладова-ягаднага віна
Пракурорскія работнікі прапануюць, каб Саўмін забараніў выпускаць пладова-ягаднае мацаванае віно нізкай якасці.
Адпаведны дакумент Генпракуратура рыхтуе на імя прэм'ер-міністра Міхаіла Мясніковіча, інфармуе БелаПАН. Таксама пракуроры прапануюць забараніць продаж алкагольных напояў асобам маладзейшым за 21 год, рэкламу алкагольных напояў, у тым ліку піва. Ёсць у дакуменце і іншыя прапановы.
Па словах пракурораў, п'янства і алкагалізм не толькі застаюцца аднымі з самых сацыяльна значных праблем. Шмат якія злачынствы людзі робяць у нецвярозым стане.