Французы вярнуліся і пачалі будаваць новы саркафаг на ЧАЭС (фота)
Пасля абвалу ў машынным зале чацвёртага энергаблока, які адбыўся 12 лютага, іх эвакуявалі.
Будаўнічыя канструкцыі плошчай каля 600 квадратных метраў абрынуліся пад цяжарам мокрага снегу. Падчас абвалу ніхто не пацярпеў. Здарэнне не паўплывала на радыяцыйную сітуацыю.
Разбор завалаў ужо заканчваецца. Прэс-служба Чарнобыльскай АЭС інфармуе, што 20 лютага французская будаўнічая кампанія аднавіла мантажныя працы металаканструкцый новага саркафага чацвёртага энергаблока, які ўзарваўся ў 1986 годзе.
Фота — chnpp.gov.ua
